✍फुंका मुसाहारि
"दावबायारि"
-----------
दावबायारि आं जिउनि गोजान लामानि,
मोनथिया आं स'हैगोन ब'बेयाव,
नुहुरस'आ बुहुमनि जोबथा रुगुंखौ
मोनथिया आं जिउनि जोबथा लामाया ब'बेयाव।
होसोगोन आं जिउनि थांखिखौ
नायगिरगोन आं बै गोजोनखौ,
संसारनि रिमोनल्दा लामाया
आंखौ खोख्लैनो सानब्लाबो
गसंथागोन आं थांखिखौ जाफुंसारहोगोन।
गोबां जेंना , दुखु दाहाया स'फैब्लाबो
उथ्रिगोन आं गोसोखौ गोरा खालामगोन,
दावबायगोन आं संसाराव
लाबोगोन आं गोजोन्नायखौ आंनि जिउ सोलेराव ।
No comments:
Post a Comment