#सिगांआवनो_बयनियावबो_निमाहा_बिबाय,,,
#सोरनिबा_जिउजों_गोरोबदोंल्बा_आंखौ_निमाहा_हो
#आं_आंनि_गोसोजोंसो_सानखांना_लिरदों,
#रावनिबो_जिउ_जारिमिनखौ_लिराखै।।
#सुंद_सल',,
#फुंका_मुसाहारि
#मैनानि_जिउ""
संसाराव जों बयबो गोरोन्थि मावो,,,,फै जों नायनि बे सल'आव मा गोरोन्थिनि थाखाय मैनानि जिउआ जोबलांदों नायलांनि,,।
लैथो आरो मैना ,,,
सानैजों गोर्बो मोनसेयै जोबोद मोजां मोनज्लायो,,,,
नाथाय लैथोआ सासे धोनि नखरनि नायल जाल' सासेल' बिसाज्ला जानायखाय जोबोद दुगामोन,अल्बाबो बियो गावनि गुबुंले गोसोखौ मैनानि नोजोरनिफ्राय गोजानाव दोनखोमायोमोन।
मैनाया सासे गोरिब नखरनि गोथार गोसो एबा बयजोंबो हामजानाय आखलनि सिख्लामोन।
बिब्दिनो बिसोरनि मोजां मोनज्लायनाया गोबाव सम जालांबाय,,,, आरो सानैबो जुलिनि सम जाबायमोन।
सानसेखालि लैथोआ मैनाखौ लोगोहमना जुलि लानोसै होननानै मैनानो फोरमायनायलाय मैनायाबो लैथोनो खोथा होखाबाय।
मोनाबिलि सम ,,,
मैनाया बिमा बिफा गाव ,, ज' ओंखाम जानाय स'माव नखराव फोमायथिबाय,,,,
आयै , आफा ,, आं फंसे बाथ्रा नोंसोरनो खोन्थानो सान्दों,,, मैनाया लाजिहां माहां बुंदों।
अ", मा बेलाय खोन्था आय नों खोन्थायाबा जों बोरै मोनथिनो,,बिफाया गुरै रावजों मैनाखौ बुंदों।
मैना बिफा आरो बिमाया बिसोरनि मोजां मोनज्लायनायखौ बिगांनिफ्रायनो मोन्थि खायोमोन।
लैथोआ आंखौ गामोन, संफोरनि गेजेरावनो लांनो नागेरबाय गाव न'आव खोन्था खाबायनो ,,
आं थांनाय जासिगोन आयै ,,, मैनाया गाबहां जाना बिमाखौ नायना फोरमायदों।
मा बुंखो नों आइ ? नों बे हाबायाव गावनो राजिखा ने?
बिमाया सोंदों।
औ आयै आंनो राजिखा। आं बेखौ बावनो हाया आरो बेखौ नङाल्बा आं गुबुनजोंबो जुलि जानो हानाय नङा।मैनाया गंना बुंथिदों।
नों मासे मैना जानानै माब्रै बे लैथोनि गेजेराव गसंथानो सानखो आइ ,,, नों गावनो मोनथिखायो नोंनि बिमा बिफाया गोरिब सुबुं,,,आरो बे लैथोनि नखरा नोंखौ बिहामजो फिसा होनना ग'नायगोनदा बि?
बिफाया मैनाखौ बुंदों।
ग'नायो आफा लैथोआ आंनो फोरमायदों ग'नायखायोनो। मैनाया बुंफिनदों।
दे आइ नों गासैखौबो गावनो बुजिनो हाखासै , मोजां गाज्रि नों गावनो हमदां हाखायो, , नोंनि मोजांआनो जोंनिबो मोजां,, नोंनो राजिखाल्बा जोंहा जेबो हेंथा गैया आय नोंल' गोजोनै थाहै आरो सम सम जोंखौबो नायस'फै मानोना नोंनि अनगा जोंहा रावबो गैला,,नों नायाबा जोंखौ सोर नायबावनो? बिफाया गुरैयै अनायजों मैनाखौ बुंदों ।
अल्बा मैनानि मोखांङा मिनिस्लूदों एबा खुसि जादों।
बिदिनो थाङै थाङै, सानसेखालि मैनाखौ लैथोआ
लांनो मैनामोननिसिम फैमारबाय ,,,।
मैनायाबो दखना गोमो गाननानै हिनजाव गोदाननि महर लाना लैथोजों थांफानो रिदिखासै,
मैना बिफाया सानैखौबो खाथियाव लिंहरना मोजाङै बुजायहरना मैनाखौ बिदाय हरबाय,।
लैथोआबो मैनाखौ लाना गावनि न'फारसे ओंखारलांबाय।
लैथोआ सिगांनिफ्रायनो जाग्लूं लोंग्लूंजों दिन थांहोग्रामोन,,,
मैनाखौ न'आव लांखांनानै लोगोफोरखौ लिंहरना मोनसे गिदिर फारथि होदों लोंहोदों जाहोदों।
बिदिनो थाङै थाङै ग्रोम ग्रोम हाबाबो जाखांबाय ।।
दानिया हाबानि उननि बाथ्रा.................,
हाबानि उनाव लैथोआ सिगांनि बायदिनो लोंग्लुं जाग्लुंआव आरोबाव ओंखारफिनबाय,,मैनाया मोनथियामोनदि बियो बिदि आखुनि मानसिमोन,
मानोना बियो गावनि गाज्रि आखुखौ मैनानो नुजा होआमोन नोरोम दिन्थिफ्लायोमोन।
लैथोनि बिदि आखुखौ मोन्थिना मैनाया जोबोद दुखु खालामदों,,, आं गाब्र'बाय,,, थौले लैथोनि दाहारानो आंखौ खोख्लैनो हाबाय । बिदि सानना मैनाया दुखुजों गाबखुमाबाय।
मैनाखौ लैथोआ सानफ्रोमबो फेग्लुंनानै गोरिबनि बिसा आखल गैया लाजिनो रोंङा साला आंनि न'आव रानि जादों ,, बिब्दिनो गाज्रि गाज्रि होनना सानफ्रोमबो राबाय थासै।
ओरै लैथो बिमा बिफायाबो मैनाखौ सैखाया मानोना मैनाया सासे गोरिब नखरनि आइजोमोन बेखायनो लैथोनि हेंथा बिसोरबो जायामोन लोगो जानासो मैनाखौ लाजि फोनांफायोमोन।
गावनि बिमा बिफानि मानसनमान खौ गाहाय खालामजानायखौ नुनानै मैनानि गोरबोआव रासिन दुखुआ जोमजिबाय,,बे समाव हेफाजाब होनो मैनाहा मैदैनि अनगा रावबो लोगो गैया।
बिमा बिफानोबो बियो गावनि नासय जानायखौ फोरमायहरनो हाला,, मानोना बियो अख्रायै गावनि गोसोजोंनो फैखादों,, मा रावजोंथो फोरमायहरबावनो।
मैनाया गोसोआवल' सानना थासै।
बिदिनो थाङै थाङै नै बोसोर बारबाय..........
बिसोरहा बे स'माव सासे गथ' मोनबाय,,,
सानसेखालि मैनाया गथ'खौ लाना बिमानि न'सिम बिमा लोमजानायखौ खोनानानै नायनो थांदोंमोन,,,
लैथोनो खोनथाबोनो मोनाखै,, आरो बिहाव बिखुनजोआबो न'आव गैयामोन।
लैथोआ सानसे जौजोंनो गेलेग्रा जालांबाय ,,
गावनि बिसि फिसा जोथोन लानो रोंला ,,,,
बे स'माव बियो न'आव फैनानै मैनाखौ गाबज्रिख्रावदोंमोन।
नाथाय मेनाया न'आव गेयामोन,,
फैग्रोथोंल' बे सालिया ,,, बबेयाव मा नागिरहैदों बे , बेखौ दिनै नायथारनां, बिदि होनना लैथोआ खामसालियावनो उन्दुना थाबाय।
एसे उनाव मैनाया न'आव फैफिनना नुफैबाय दि लैथोआ फेना गोग्लैना दं।
हाबाब ,,, मा जाबावगोन नोंजों, लोंनायजोंनो थैदो नों ,
गावबो खामायनो रोङा रोङा ,, बिफानि धोनखौबो जोथोन गैला ,, बिदिजों नखरखौ माब्रै खुंलांनो रोंबावनो नों ,,। मैनाया एसे रागाजों बुंफ्लांगारदों,,
नङाब्ला मालाबाबो गिनायजों बुंफेरामोन।
मा होनदों नों आंखौ सालि आंनि न'आवनो थानानै जानानै आंखौसो ब'खिदों नों ? बिदि होनना मैनानि खावलाय फारनैयाव लैथोआ सोबादों। गाज्रि गाज्रि बुंना मैनाखौ बुसोदों ।
ओरै मैनाया गावखौसो बासायनो ना फिसानि गाबनायखौसो बुरखायनो ना गावनि दुखुखौसो सामलायनो ,, जोबोद दुखुजों बिसाखौ लाना सिथ्ला गेजेराव जिरायना मैदै रुखु रुखु गाबदों।
आं सानदोंमोन आंनि लैथोआ गोथौ , आरो अराय सम,आं बे लैथोनि बिखा गेजेरावनो गोजोननाय मोनगोन सानना बारसोमदोंमोन,, नाथाय बे लैथोआ गुबुंलेसो नुजाबाय, मोदैसो बोहैहोनांबाय,,। बिदि बुंना मैनाया बिसाखौ लाना गोदाव सोराव गाबदों।
बे स'माव बिफानि बुंनाय रावा मैनानि गोर्बोआव जाखांफैदों।
नों मासे मैना जानानै लैथोनि गेजेराव माब्रै गसंथानो हानो ,, बेखौ गोसोखांना मैनानि मोदैआ रासिनसो बोहैनो हमदों।
जानोहागौ आं बै बाथ्राखौ बिजिरनानै नायनानै खोनासङोमोनल्बा लायोमोनब्ला आं दिनै बिदि जानांनाय नङामोन।
मैनाया सानना गाबखांदों।
बिदिनो मैनाया सानफ्रोमबो लैथोनि अनागारि खालामबाय थानायखौ बिमा बिफानोबो फोरमाय हरनो हायैयाव गोबां दुखु स'हायनांदों।
लोगोसे बिसाखौ फेदेरनायाव गोबां खस्थ जादों।
बिदिनो बिसोरनि संसारा गोजोन गैयै जाबाय ।
नंखाय आखल दिन्थिना मैनाखौ जुलि लाना लैथोआ मैनानि जिउखौ गोबां दुखुनि लैथोआव गारसोमना दोनबाय।
लैथोनि अनागारि खालामनाया मैनाखौ थैनायनि लामायाव दैदेनलांदों,,,
मैनाया स'हायनो हायैयाव गावनि बिमा बिफा ,, गावनिनो आंगो बिसाखौ नागारनानै बे संसारनिफ्राय अब'थिरा गोजान जालांबाय ,,,।
बिदिनो मैनानि जिउआ गोमालांदों ।।
#आंगो_लोगोफोर..................
मोजां मोनज्लायनायाव गोबां थ'गायज्लायनाय दं।
बेखायनो गासैखौबो सानै ह'यै आगान सुरनो नांगौ।
मोन्थिया लाबा मोदोम गुदुं जानाया नोंखौ थैनायावबो लांनो हागौ ,, जेरै बे मैनाया जानांदों,थिग बिदिनो जानो हागौ ।
बेखायनो मोनथिया लाबा मोदोम गुदुं जानाया मोजां नङा।
बे स'ल' आव आं गोरोन्थिखौ लैथोनि होनना सानो ,
मानोना बियो नंखाय अनफ्लानानै सोलेरखौल' लुबैनानै मैनाखौ दुखुआव खोख्लैना फोथैनाया जोबोद गिदिर गोरोन्थि।
गोरोन्थि मोनदोंल्बा आंखौ अन्नानै निमाहा हो आंगो लोगोफोर,,।।
✍ Fungkha Mushahary !
