"लिमारिख"

               ...............✍Fung kha Musha Hary♥
                   (1)
आंनि गोसोखौ दासिफाय......
अरायनि थाखाय खालाम नों गावनि फिसाय ।
हासिबा सोरांब्लानो दावखि नाङो.........
गोसो बायग्लिनाय सुबुंखौ बयबो ब'खियो ।
                      (2)
हनै  आसिन खाथिखनि जोमैया दाखा दाखा.......
नोंखौनो मोजां मोनबाय आं आमथा आमथा ।
लाबोखाबाय आं दावला बेहेरा........
बिहाव बिखुनजोनो जाहोहैगोन आं  
गासैनोबो दरफा दरफा ।
                       (3)
सियाला गाब्बा सैमाफ्रा सोंख्रावखायो........
नोंनि आंनि मोजां मोनलानायखौ
 नखराव खोनाबा होख्राव खायो ।
बेफोरखौ  नों खोनासंगारनो हायो ??
आं हले खोमायाव थुलासो माथेना थाखायो ।
                           (4)
जेआ  ना सारनो थांनाय समाव 
ज्राव ज्राव खुसि जालाङो........
फैफिन्नाय स'माव मोदै रथ' रथ' जाबोयो ।
मोजां मोनज्लायनाय स'माव
 बयबो खुसि खुसि मोजांमोनज्लायो...........
सासेया नागारना गुबुनजों थांबोला
सासेया मोदै रथ' रथ' गाबनाङो ।
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

"फोथायखेबस' नों,,

             ................✍Fung kha Musha Hary♥
नोंनि खर'आव बिबारजों बुंफब'नाय जुलिनि मुखुदजों नोंदि बेसे समायदों........
नुनानै गोर्बोआ खामग्लिदों सना ,,
नोंनि जारौ मोखांआ गुफुर सादोरजों बेसेदि मोदानदों नायनो हायाखै स'ना ........
मेग'नाव मोदै बोहैदों।

रंजानाय गोसोजों मिजिं रनसायदोंमोन आंबो.........
नोंखौनो लानानै जुलिनि गोदै देंखो रिंखांहोनो ,
मिजिं दंमोन आंहाबो........
नोंखौनो लानानै  स'मायना गोजोन नखर दानो ,
मिजिं दंमोन आंहा नोंजोंनो  थैस' थांस' बे जिउ मोनसेखौ  दैदेन्नो......।

आंनि गासैबो मिजिंखौ आस'खानदा  ................
खालामबाय नों  ,,
आंनि लुनाय गोसोनि मन्दिरखौ गासैबो थेर-बेथेर बायफ्लेलांहोजोब्बाय नों।

फोथायखेबस' नोंनि रादाया.......
फोथायखेबस' नोंनि अन्नाया........
फोथायखेबस' नोंनि मोजां मोन्नाया ।

गोर्बोआ गावफ्लेदों स'ना..........
जिउआ अमासि जानांदों.........
गोसोआ हालाय हाफाय नोंखौल' नायगिरफ्लांदोंं।
फोथायखेबस' नोंनि मोजां मोन्नाया..
आस'खानदा नोंनि रादाय खानाया ।
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

"बिथा गैयै गोसो"

                              ...............✍फुंका मुसाहारी♥♥
जेरावबो गोजोन गैला आंनि गोसोआ
नायगिरबाबो मोनला गोजोना ब'हा,
सिमां मिजिंआ फेलें जानानै ..........
बिरलांबाय बहाबा आंनि गोसोआ ।

गोर्बोआव थोजासे अन्नाय दंमोन आंहाबो
हास्थायदोंमोन स'ना नोंखौ 
गोर्बोनि अन्नाय होनानै ,,
नाथाय,,,,,,आंनि थार अन्नाया नोंजों मुगैजानानै
गोदाव सोराव जानांबाय .........
बिथा गैयै  जानांबाय आंनि गोसो गोर्बोआ....
बेयाव था बेयावबो थाथेरनो हाया.....
बैयाव थां बेयावबो गोजोन गैया ।

गोमोथाव स'ना जोंनि मोजां मोनज्लायनाया.......
नों गावनि गोजोनखौल' होसोयो.....
आं नोंखौल' हास्थायो...।

नोंनि गोसो बायदि नों गोजोनै था स'ना
हास्थाया आं नोंखौ दुखुआव खोख्लैनो.....
नाजागोन आं नोंनि गोजानाव थानो ।
नाथाय .................
गोसोआ गाबखाङो स'ना.....
नोंखौल' नागिरफ्लाङो......
थाथेरनो हायै बिथा गैयै बे आंनि गोसोखौ 
आं माबोरै बुरखायना दोनबावनो............
गोब्राब जाथारदों ,, गावखौनो होखारजानाय बायदि हारसिं मोनदों  ......
आंनि गोसोनि थाखाय दखरसे बिथा 
आंनो सोर होबावगोन  ।।
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

"दोंब्रै लिमारिख"

                      (1)   ..........✍फुंका मुसाहारि♥♥
गोदोनिफ्रायनो दंखायो जोंहा
गुबै हारिमु हारिनि......
नङा जों जंगलि,नङा जों थिउरिया हारि,
बानसावनायसो बे गुबुन हारिनि....
सोंखारिनायसो बे मेगन गोसाफोरनि !
                      (2)
 हनै दावखा सिलाफोरा बर हारिखौ 
गोथांखौनो गोथैबायदि खेबख्लाबना
 जानो नागेरबाय...............
एसे दाय मोनब्लानो  मुं मख'ना गाज्रि गाज्रि
सोंखारिना लाजि फोनांग्रा जालांबाय
जोंनो गुलाय गुजाय बारहावाखौ 
सोना होग्रा जाबाय !
                     (3)
जों जेनिबो गेजेन नङा
जों रावनिबो इनाय खालामा
जों रावजोंबो फेजेन जानो नङा
खौसेजों जों अरायबो दावगा
हारिनि बिबानखौ बयबो
 खर'आव रुजुन्ना ला !
                     (4)
बोथोरखौ बिजिरदो बर' सुबुं माहारि ,,
खौसेजों हारिखौ फोथांनो नाजादिनि ,,
बेसे सोंखारि जाबावनो जों खास्रि-बिस्रि ,,
नङा जों जंगलि ,, नङा जों इनाय उदखारि !
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
                             

"लाथिख' मिजिं"

आंनि रानज्रिं जिउआ......
 मिजिं दंमोन गोजोनै थानायनि,
नाथाय बहाबा बुखारस्रां....
लांजाबाय आंनि गोजोना सिरि सिरि...
लाथिखसो जानांबाय मिजिंआ आंनि ।

बैसोआ बारलांदों हालो--दैलो..
सान्नाया गोसोआव बेरखांदों होंगो--दोंगो,
दावगानो सानदों गासै लामाजोंनो....
नाथाय गासैबो मिजिंआनो ........
नुजादों लाथिख'सो ।

गोर्बोआ  हास्थायदोंमोन........
नोंनि अन्नाय ,,
दङ नोंनावनो आंनि अरायनि गोजोन्नाय
नाथाय आंखौ नेउसिलांना खालामबाय नों आंनि गासैबो हास्थायनाय
मिजिंखौ  ह'लाय ।

आंनि लायमोन बैसोआ ........
गोबां मिजिं बुथुमदोंमोन,,
जिउखौ गोजोनै दैदेन्नो हास्थायदोंमोन..
नाथाय ...सोरनिबा नंखाय भावथिनाखौ
नायगोमोना गासैबो थुंगेजोबबाय.....
आंनि गासैबो मिजिंआनो
लाथिख'सो नुजाबाय ।।।
♥♥♥♥♥♥♥♥♥♥♥♥♥♥✍फुंका मुसाहारी♥♥
                                  गामि-- सिंगिमारि(गुरुफेला)

"सुबुंनि जिउ"

                           ................✍फुंका मुसाहारि♥♥
जिउआ सुबुंनि बे संसाराव...
मोदै रथ'-रथ' अन्थाव बाथाव,
सोरहाबा गाबनांदों.....
सोरहाबा मिनि खुसि रंजादों।

संसारनि बारहावाजों सुबुंनि 
सान्नाय हनाय गासैबो 
गोमोथाव महर लादों......
सोरनिबा जिउआव दुखुआ बुंफबदों,
सोरनिबा जिउआव खुसिया 
उसिग्लायदों।

 दानो दं दानो गैया सुबुंनि जिउआ...
अरायबो गोजोनखौ  
रावबो मोननो हाया,,,,
दानदिसेनो रंजानाय.....
दानदिसेनो मेग'नाव मोदै रथ'-रथ' ।

गोजोनखौ मोन्नो बयबो होसोयो..
नाथाय ब'बेबा जाथायाव सौथुना
 दुखुआवनो  गोग्लैयो...
दुखु--सुखुनि गेजेरजोंनो
सुबुंआ जिउखौ दैदेन्नांगौ जायो।
गोमोथाव सुबुंनि जिउआ.........
दिनै रंजानाय..गामोन गाबनांनाय..
दिनै गोथां...गामोननो गोथै.....।
♥♥♥♥♥♥♥♥♥♥♥♥♥♥♥♥♥♥

SHORTENER$0.0005 LOG OUT Shorten URL and get paid Your link has been copied Shorten another link Choose your language: en es ru Activate your account Shorten a link Get the first view $1 rewardGain 100 views Home Tools TOOLS - WEBSITE SCRIPT With our mighty script generator you can easily generate your own script. Simply choose options you would like to use and click the "Generate Script" button. Your script will be ready in no time. To see your revenues click here. Links Domains selection type Domains list (separate with a comma) yourowndomain.com Entries Trigger type Timeout (miliseconds) 3000 Exits Pop Ads GENERATE SCRIPT SHOW FULL CODE Frequently asked questions 1Links 2 Entries 3 Exits 4 Pop Ads 5 Capping capability 6 Timeout 7 Trigger type YOUR CUSTOM SCRIPT

गोसोनि नारथाय"

                          ......................✍फुंका मुसाहारि !
हमथानो हाला आं गोसोखौ
जेखौनो सानो बेखौनो हास्थायथारो।

बुरखायनो हाला आं गोसोखौ....
लुबैनायखौ मोनाबा खुद्रिबाय थायो।

समजों लोगोसे गोसोनि
 नारथाया बारा जालांबाय...
हास्थायनाय लुबैनायाबो बांलांबाय.....
गोसोनि बारासिन नारथायानो
 आंखौ गोबां दुखुआव खोख्लैबाय।

आंनि लायमोन बैसोनि गोसोआ
गोबां मिजिंजों बुंफब्बाय.....
मेगन'नि नोजोरा बोदोर ........
खालामनायजों लोगोसे,
आंनि गोसोनि नारथाया बारा जालांबाय,
गोसोखौ बुरखायनो गोब्राब जाथारबाय।
♥♥♥♥♥♥♥♥♥♥♥♥♥♥♥♥♥♥♥♥♥♥

गुब्रुनाय गोसो"

                                .................✍फुंका मुसाहारि !
गोर्बोआ गुब्रुबाय स'ना नोंनि मुगैनायाव...
बिखाया गावबाय नोंनि गोजान जानायाव।

मोदैया मेगन रुगुङाव
उसिफावबाय....
गोसो गोर्बोआव सुरथ्र हायै
हांमा थाबाय नोंनि आंखौ नेउसिनायाव।

गावफ्लेनाय गोर्बोआ  गोरोबनो
गोब्राब जाबाय स'ना...
सोरखौबा गावनि खालामनो सानब्लाबो
गोसोआव मानोबा गिखांनाय फैयो,
नोंखौ सान्ना'नैनो आं गोसो गोरोबनो गियो।

आस'खान्दा खालामबाय नों.....
गोरब्रोखौ गुब्रु होबाय...
सुरथ्र हायै हांमाखौ
आंनि जिउ सोलेराव..
मानो सोना होलांखो स'ना ?
♥♥♥♥♥♥♥♥♥♥♥♥♥♥♥♥♥♥♥♥♥

जिउनि दिङा"

                             .............✍♥फुंका मुसाहारि♥♥
बुखार जाबाय आंनि जिउनि दिङाया,
गोमोरनो हमबाय आंनि गोसोनि मिजिंआ। ।
अनज्लायनायनि  दौलेंआ ज'लांबाय....
गोर्बो बिखा गासैबो गावफ्लेजोबबाय।

सिमांनि गोजोन देराया
सिलिंखार जालांबाय....
हास्थायनाय थांखिया बायफ्रुलांबाय...
बैथा गैयै जानांबाय आंनि
 जिउनि दिङाया..
संसारनि गाज्रि बारथिंनाय
बारजों बुब्थिं जाबाय
आंनि जिउनि दिङाया।

दावबायनो गोब्राब जाबाय आं ,
संसार गेजेराव आं आनदायबाय
गासैबो सिमां मिजिंआ
बायफ्रु'लांजोब्बाय
माबोरै मोनहै बावगोन आं
 बै गोजोन जायगाखौ?
आंनि बैथा गैयै जिउनि दिङाया
बुब्थिंजानानै आं मेंग्लिबाय ,
संसार गेजेराव आं गोजावना थानांबाय ।
♥♥♥♥♥♥♥♥♥♥♥♥♥♥♥♥♥♥♥♥♥♥
-------------------------------------

"गोदै देंखोआ गोमालांबाय"

                   .....................✍ फुंका मुसाहारि♥♥ ।                                     अनज्लायनायजों सुजुनाय
             गोदै देंखोआ गोमालांबाय,
आय......गोर्बोखौ गोजोनग्लाय होयोमोन,
              गोसोखौ रंजाहोयोमोन ।

             गोर्बोआ गावफ्लेबाय स'ना,
सानैजों अनज्लायनानै सुजुनाय गोदै देंखो'खौ
            नों  एसेयावनो फोजौबलांबाय ?

    रोमै-रोमै रिंखांफैयो स'ना आंनि खोमायाव,
          देहा सोलेरखौ गोजांस्रेव होफैयो,,
              गोर्बोआ गुर्लुब मोनखाङो ,
        होदावरि--होसावरि नायगिरबायो,
        अ'राय सम खोनासंनो गोसो जायो ।

        गुमुर  गैयै देंखोखौ आंनि खोमायाव
                 मानो सोना होलांखो ?
          दुखुनि देंखोआ आंनि गोसोखौ
              बोदोर खालामबाय स'ना,
   गोसो गोर्बोखौ दोहो दोहो खामग्लिहोबाय,
               ब'हाथो मोनबावगोन आं
        रैसुमै अनज्लायनायनि गोदै देंखो'खौ ??
     गोमालांबाय अनज्लायनायनि गोदै देंखोआ
         रिंखांबाय खोमायाव दुखुनि देंखोआ ।
----------------------------------------------------------------------

"गोसोनि राव"

                                 .........✍ फुंका मुसाहारि♥♥ ।
नोंनि मिनिस्लु महराव
माब्ला बोदोर......जास्लाबखो,
आं मोनथिस्लाबासै स'ना ?

गोर्बोनि अन्नायखौ नोंनो'नो,,,,
होजोबफ्लांनानै गावखौनो गोबां.......
सैहोबाय आं ।

गोर्बोआ गावफ्लेदों स'ना ,
रानस्राव गोरबोआ ......
नोंनि अन्नायखौ मोनफिनोब्ला
 थाजिम मोनगौमोन।
---------------------------------------------------------------------

गेवलांनाय बिबार

       "गेवलांनाय बिबार"   

         ---------------------   ✍ फुंका मुसाहारि

गावनि स'मायना महरखौ लाना 

गेवलां महरै नुजाफैबाय नों बिबार,

नाथाय सुबुंनि हास्थायसुला गोसोआ

नोंनि स'मायनायखौ नुना 

नोंनि देन्थाखौ खेबस'नो गोसो जायो।

दादेमग्लायसै नों नंखाय बारजों

नङाल्बा गेवलांफुनायावनो सिरि नांगोन,

नोंनि स'मायनाया दान्दिसेयावनो 

लहराय नांगोन ,,।

 गोग्गो बारजों नोंनि मोदोमनायखौ गोसारहो,

अ'राय सम जोथोन लखिगोन नोंखौ 

बयनिबो गोसोजों अनसायजागोन ,

नोंनि स'मायनाया संसाराव नुसारजागोन

बारसे मोजां बिबार नों......

बयजोंबो बाख्नायजागोन।

------------------------------------