"अनसुलि बिमा "

...........................✍ Fung Kha Musha Hary !

माबोरै सुख'बावनो आयै आं
नोंनि अन्नायनि दाहारखौ ...?
मा होनानै सुख'बावनोआयै आं
नोंनि गोर्बोनि अनसायनायजों लोगोसे
फेदेरबोनाय फोरोंबोनाय  .......
मुलुगाव समायना महर होनायखौ ...?
गैया आंहा जेबो नोंनो होफिन्नो😢!

दुखु-दाहा ,गाबनाय मिनिनाय
स'हायगिरि नों आंनि जिउनि,
खालामा नों आंखौ माब्लाबाबो  अमासि
हाया आं बावगारनो अन्नाय नोंनि गोर्बोनि,
अनसुलि बिमा नों आंनि जोनोमगिरि !

स'माव आंनि थाखायनो मेगनाव 
मोदै बोहैहोनाङो नों.......
स'माव आंनि दायखौबो बानस'ना
दुखु सैसोयो नों........
दाहा गोनां गाबनाय नोंनि ,,
स'हाय हाया गोर्बोआ आंनि ......
माबोरै सुख'बावगोन आं 
अन्नायनि दाहार नोंनि !
😭😭😭😭😭😭😭😭😭😭😭😭😭😭

गोसोनि राव

........................✍ Fung kha Musha Hary!

रानज्रिं जिउनि सुजुनाय सिमां
जाफुंगोन ना जाफुंआ मोथां ।

दङ आं बैथा गैयै दिङायाव
मोनहैगोन ना मोनहैया बै रुगुङाव।

राहा गोथेजानाय जिउनि आं बिगुमा
हास्थायदों आं अब्लाबो गोजोन्नि 
जुगामि लामा ।

बोरै बारलांबावनो गब'नाय जिउनि गुवार लैथो
बोरै गाखोबावनो होथेनाय गोजौ हाजो ....
बोरै खोमोरबावनो 
गोर्बोआव  जोंनाय रोहो-रोहो अरगें।

स'हाय हाला गोर्बोआ.......
गोमोरला मेगन'नि मोदैया........
माबोला फैबावगोन आंनाव
बै........गोजोना ?!
😭😭😭😭😭😭😭😭😭😭😭😭😭😭

"गोसोनि राव"

......................✍ Fung kha Musha Hary!
गोसोआव साना नामा 
आंनि जिउ बावनायखौ ..?
गोर्बोआव सोआ नामा स'ना
आंनि अन्नाय आरो सिबिनायखौ ..?

गोर्बोआव दुखु दाहो स'ना ,
आंनि बिखाया खावफ्लेयो 
नों गैयाब्ला आं  हारसिं 
माब्रै........थागोन  ?
नों माब्लाबा सानफेरदोंने ....????

नंखाय अन्नायजों आं  
नोंनि अन्नाय हास्थायाखै स'ना ....,,
गोसो-गोर्बोजों अन्नाय होनानैसो
आं नोंनि अन्नायखौ हास्थायदों ,
नाथाय मा जाहोनाव ..............
नों  आंनि अन्नायखौ नेउसिगारनो हास्थायो ?
मा रावजों आं नोंनो फोरमायबावगोन
आंदि नोंखौ  बेसेबां हास्थायो ,
आय...गोर्बोआ दोहो-दोहो खामग्लिबाय ।
💔💔💔💔💔💔💔💔💔💔💔💔💔