✍फुंका_मुसाहारि
खौसेथिनि_बोलो
-----------------
जौगानाया जेल्बाबो दिदोम नङा,
दिनै नों जौगागोन, गामोन गुबुना नोंनिख्रुइ
गोजौसिन जागोन ।
गंसेल' सेरनाखौ सिफायनो गोरलै,
नाथाय, ब'जासे सेरनाखौ खनसेयैनो
सिफायनो हाया ।
मोनसे हारिखौ सासेल' सुबुंआ
उदां खालामनो हाया,
हारिनि गासैबो सुबुंआ खौसे जायाब्ला ।
बिदा फंबाय गैयै सुबुंआ ,,
बिदा फंबाय बुरजा गोनांखौ नाख्रेबनो हाया ,,
नाथाय बिसोर बिदा फंबाय बुरजाब्लाबो ,,
खौसे गैयाब्ला बै सासेल सुबुंजोंनो
बिसोर हानाय नङा ,।
बोलो गैयै मोस्रोमफ्रा जेरै
खौसे जाना मोनसे गिदिर
बेसादखौनो दैखांनो हायोब्ला,
हारिखौ उदां खालामनो थाखाय
जोंबो खौसे जायोब्ला मानो हाया जानो ।
सोंखारिलायनाय ब'खिलायनायावनो,
गावस्रालायो,
बिदियावनो गुबुना नाख्रेबनो बोलो मोनो,
खौसेथियावसो बोलो थायो ,,
अनज्लायनायावसो खौसेया फैयो,
जों खौसे जाब्लासो गुबुनाबो
नाख्रेबनो हानाय नङा ,
बेखायनो फै जों खौसे जाना हारिखौ
उदां खालामनि ।
__________
No comments:
Post a Comment