"मुगानि दौलें"
✍फुंआ मुसाहारि
महर गैयै मुगाया गिख्रंथाव, लाजिथाव महर लाबाय,
समजों लोगोसे सुबुंनि सान्थियाबो गाज्रि महर लाबाय।
सोरबा सासेनि नंखाय राव होनायजोंनो दावराव दावसिया बारा जालांबाय,
गावजोंगाव नाख्रेबज्लायनाय सोंखारिज्लायनाया बांलांबाय,
गासैबो गाज्रि मुगानि दौलेंजों खाख्रबना लाजाबाय।
मोजांनि लामाखौ होथेनो सानबाय,
इनायनि लामाजोंसो आगान सुरलांबाय।
फुंनि सानगोरलै बायदि स'मावनो
गाव गावनि सैथोथिखौ खोमाना लाजि नांनानै जिउ खोमानो गोनां जाबाय।
खारथिंनाय मुगानि गाज्रि बारहावाखौ सुबुंआ सोलेराव फोनांना लाबाय,
बेजोंनो सुबुंनि जिउआ गिख्रंथाव महर मोनबाय,
गासैबो गाज्रि मुगानि दौलेंजों खाख्रबना लाजाबाय ।
--------------------------------
No comments:
Post a Comment